|
Qêl brajêru
Sima forastêru
El txigâ stranjêru
Na mês di janêru.
Qêl brajêru
Qâ dâ pâ pedrêru
Nen pâ sapatêru
Nen pâ qarpintêru
Nen pâ jardinêru;
El dâ pâ injinhêru
Qonxêdu na stranjêru
Qonxêdu na mund’intêru;
Qêl brajêru ê própi brajêru!
Qâ tentâ fazê sónbra
Pamó qâ tâ dâ pâ obra!
El ben ta rastâ sima qobra
El ta nterradu qu pá, qu xobra.
Parâ qu tudu ês qunfiadéza
Dixâ di malvadéza
Ganhâ un pôku di dilikadéza!
Txigâ prâ lâ, dixa-m respira
Nen sê ar di suqupira
Pamó dja-n sta fártu bus mintira!
Óra na nhâ pé sima purginha
Óra na nhâ ladu sima pixinginha
Ngostadu na mi sima sardinha
Ku kêl kara sen kuntinha.
O dimóni!
Fazê sima telefóni
ó sima miqrofóni;
Disliga un pôqu di nhâ vida
Bu stâ lansa ódiu pior qi sida!
Bu sta-n sima qês galinha furfuia
Bu sta-n sima qês gálu gánsu
Gálu gánsu di qintal di qá Tutuia
Armadu en mininu mánsu.
Na árti di frâ-frâ
Bó ê djâ un spesialista;
Disliga un pôqu di pulítiqa
Dixâ di fazê qrítiqa
Más prublema bu stâ qonpliqa
Más qonfuzaun bu stâ multipliqa.
Qa bu dispista
Seu terrorista!
Qa bu simia ódiu
Pa bu pô-l na pódiu!
Bu asaun y vizaun
Só simiadu qu iluzaun
Pâ pô algên na qonfuzaun
Sen ten ôtu solusaun.
Mi-gó dja-n frontâ…
Es môs djâ pô-m n’afrónta!
Pâ más qi-n dâ qónta!
Es môs djâ pô-m n’afrónta!
|
Comments
"Ku kêl kara sen kuntinha"
Azágua co Montrond dja zánga?
Markiano ca ta párci pa tádja?
Am sa ta ódja
ma ca tem tadjo:
Cada um sta pa si banda
ta carréga si canga...
Nho Azágua dja lébia si carga
Dj'é sa ta usa Q, em vez di si grosso K
Ti si berso sa ta súa más sabi,
Más bonito, co cara lavado...
Má pamódi Azágua!?
pamódi nho déxa,
Es difunto K
só pa scrébi es palavra ku?
És palavra feio
qui ca ta screbedo:
má qui ta flado móco,
rixo e sim medo...
Ti qui ta falado
di nhós AlupeK
Di nhós alfabeto
di analfabeto?
Ai. Azágua, Azágua!
Ti qui ano vira
ti qui tchuba bem,
qui ribera intchi
am ta trazi um vela,
(ó um podogó,)
É promessa certo,
podi cré na mi,
pa nhós réza, junto,
és co nhó, nhós só...
Tchabeta
Mas, di konpostura, N kre kel Q pa N ben po na nha anzol pa N piska es tolobaskus ki ta odia/ama letra.
N tene tantu gana pa nos odjus bira kuatru ki N sta so na rasmunga kel kantiga di Rick Boy “Veron ki dja txiga” (konferi: http://www.youtube.com/watch?v=rbtRKpnYxuI ).
Mas, di konpostura, N kre kel Q pa N ben po na nha anzol pa N piska es tolobaskus ki ta odia/ama letra.
N tene tantu gana pa nos odjus bira kuatru ki N sta so na rasmunga kel kantiga di Rick Boy “Veron ki dja txiga” (konferi: http://www.youtube.com/watch?v=rbtRKpnYxuI ).
Ca tem "K" nem ca tem "Q"
pa tadja "C" na sé funçam:
Screbé Criolo di Cabo Verdi
Qui stano dento nós Coraçam.
"Q" é nós letra pa screbé "Quirida"
Pa screbé "Quem" qui no cré tcheu
pa screbé "Quenti" té qui calor
qui lâ di sol
Dixé di Céu
lámpiâ na terra qui nhor Des dano!
Quem qui ca Cré
tem tcheu ramédi:
podé ba rotcha, tombâ, mórré
podé ba mar caí també,
pa no sinti quel colufutcho,
di cusa bedjo ta bai pa fundo...
Co es nós "C" qui nhos TIRANO
Pa screbé "K" - Oh! credo in Cruz -
nhos djobé djeto pa anganano
má Deus qué grandi mandano Luz!
Si nhos ca Cré
cetâ nós "C"
Nhos bá Guiné!
Má nós criolo
é sigó mé:
sempri co "C".
Quim di Margaída
Q?!!!! Qeli e qusé???!!! Bu qu, Dr. sem azagua. Ba leba Montrondu bu qu, el ki mudje dja larga.
Obs: Interessanti u impaktu imusional (kazu do Dr. Marsianu Moreira, Rei di Porton di Nos Ilha)
Obs: Interessanti u impaktu imusional (kazu do Dr. Marsianu Moreira, Rei di Porton di Nos Ilha)
Obs: Interessanti u impaktu imusional (kazu do Dr. Marsianu Moreira, Rei di Porton di Nos Ilha)
RSS feed for comments to this post