Palermisa di ser umanu / Palermice do ser humano Monday, 09 April 2012 Written by Armindo Tavares

Não me considerem um contra nação
Nem me tratem por anti cristão
Sou apenas um cidadão
Enojado dos que roubam o nosso tostão

PALERMISA DI SER UMANU

Pensaba éra proibidu
Faseba éra inposivel
Kau sukundi ka tenba
Spion staba pa tudu kau

Kel ki nu traba di nos kabésa
Nen pa nu splika ka ta dexada
Kel ki nhu xefi atxa ma éra si
Sikre eradu, ten ki flada “sin sinhor”

Bon inpregu pa nos fidjus
Es ka meste ten bon skóla
Si nos é di Partdu na poder
Es ta entra logu komu deretor

Djuze djata “VIVA” na óra sertu
E purmovidu kel-óra komandanti
Dotoradus e manda pa kala bóka
Ses opinion e fla ma ka ten valor.

Nhu Naxu flaba ma ali ben tenpu
Ki tudu kusa ta biraba dipalbésa
Gosi é pulítikus ki sa ta prustitui
I prustitutas ki sa ta fase pulitika

Pa es djuguta kiria ses mininu
Elas ta bende ses “baxu-saia”
Pa es tirsidja-nu di-li kuatu anu
Es, es ta bende Diabu ses alma

Pulitikus pur votu di mizeriadus
Sen nuson di kuse ki é Konstituison
Ta fase tudu di ses manera
Stadu ta julgadu, povus ta paga

Asves ti Juis na trubunal
Ka ta skapa des tendensia
E ta komete eru kóntra sidadon
I é Stadu ki é (in)rasponsável

I, nu entantu, kuse ki é Stadu?
É un parazita ki povu ta sustenta
Mas ki sen burgónha ta fla kontráriu,
Ta fla ma é el ki ta sustenta povu.

Kel tioriâ li ta parse so ku un filozofiâ
Ki ta fla ma é Omi ki kiria Nhordes
Mas ma dadu a palermisa di Ser Umanu
É ta fla ma é Nhordes ki kiria-l

Ka nhos atxa-m kóntra-nason
Ka nhos trata-m pa anti-kriston
A-mi é txaskan un sidadon
Njuadu di kes ki ta furta nos tiston


PALERMICE DO SER HUMANO

Pensar era proibido
Fazer era impossível
Não havia onde esconder-se
Havia espiões por todo o lado

De nada valiam as nossas ideias
Nem para explicar nos permitiam
Aquilo que o chefe achasse correto,
Mesmo errado, dizíamos “sim senhor”

Bom emprego para os nossos filhos
Não eram exigidos muitos estudos
Se pertencêssemos ao Partido no poder
Eles entravam logo como Diretores

José gritou “VIVA” na hora certa
Foi logo promovido a Comandante
Aos doutores ele fez calar a boca
Desvalorizando as suas opiniões.

Nhu Naxo dizia que viria o tempo
Em que tudo iria virar do avesso
Agora são os políticos a prostituírem-se
E as prostitutas fazendo política

Para criarem os seus meninos
Elas vendem o que têm “debaixo da saia”
Para nos trucidarem durante quatro anos
Eles vendem ao Diabo as suas almas

São políticos pelos votos dos miseráveis
Sem terem a noção da Constituição
Fazem tudo à maneira deles
O Estado é julgado e o povo paga

Às vezes, até o Juiz no Tribunal
Não escapa a essa tendência
Comete erro contra o cidadão
E é o Estado o (i)responsável

E, no entanto, o que é o Estado?
É um parasita que o povo sustenta
Mas que sem vergonha diz o contrário,
Diz que é ele que sustenta o povo.

Esta teoria é parecida a uma filosofia
Que diz que o Homem inventou Deus
Mas que pela palermice do Ser Humano
Atribui à Deus a sua criação

Não me considerem um contra nação
Nem me tratem por anti cristão
Sou apenas um cidadão
Enojado dos que roubam o nosso tostão