|
(Di alunu Filintinhu)
Ko preokupa ku mes d’abril;
Nen ku dia kuatu
Dia di buatu
Nen ku dia un
Dia di mintira!
Korasaun s’el fitxa, abri-l
Nu ten-l so un;
Si mundu kre jira,
Xa-l jira!
Ko dizanima ku vida;
Vida ku morti ka ten midida;
Kela N sabe ma bu ka ta duvida;
Ko xa maus mumentus vense-bu,
Lenbra ma boas oras senpri pretense-bu.
Ko perde speransa;
Ganha konfiansa
Sta preparadu pa kualker mudansa
Abrasa kualker boa aliansa.
Es mundu e ka di-nos;
Nu sta li di pasaji;
Kes ki bai tevi boa viaji;
Es bai es ka ben, es skese di-nos.
Nos ki fika
Nu ta fika ta suplika
Nu t’aguenta nos dor
Ora ki nu perde nos amor.
N’es mundu mudernu
Ninhun aliansa e iternu;
Lista ses nomi na kadernu
Fla-s p’es bai tudu p’infernu,
Piku d'infernu!
Es ka suinu
Es ka kaprinu
Es ka buvinu
Es ka ovinu;
Fla-s p’es bai kanta inu
P’es bai toka sinu.
Sol ta nase tudu dia
Sukuru ta fitxa tudu noti;
E mas un dia,
E mas un noti!
Anima, professor Piaget!
Mundu ka sta kaba
Mundu ka pode kaba
El ka ten dia di kaba;
Li nu ben, li nu ta fikal
|
Comments
Bu nterradu dia 4 di Abril, ka nobu
Nha Vija Maria ta bai bu dianti
Pa trás bu ka dexâ nada, nen sodadi
Bu fin dja sta pértu
Ka ta ten nen padri, nen térsu, bera di bu arka prétu
N aguenta-bu te undi N ka podeba más
Bu troka inférnu pa paraizu di bus rabéntas
Mi sén bo
N fika midjór ki mininu ki perde se ponba
Bu ka merese nen nha disprézu
Dufuntu dja avizaba mi
Ma kenha ki ka ta obi ta odja
Ale N ta ozerba Mérka y Mundu ki sta na móda …
Vida sen puezia i sen muzika ka al tenba mutu piada.
Un puema xeiu di rima, xeiu di piada, na nos lingua sabi doxi, bistidu ku es alfabetu ki Kabuverdianus ki inventa i ki e lojiku sima nos propi lingua. Nos lingua ki, sugundu spesialista Chosmsky, ten un gramatika ku lojika universal.
Pa vive nos lingua! Pa vive nos alfabetu! Pa vive Dr.Azágua, mondon di puetas!
Alupek ca ta bai nim co Jurgen nim co Lang. É ca strangero qui ta bem ensinam mó am ta pápia ou screbi criolu.
Foi sempri assim. Srangero flâ, sta flado. Mi am ta racatcha am ta fla NAU.
Am podi fla boas hora ó boa horas e mau momentos ó maus momento. Um marca é suficiente. Concordância na criol? Si nhós cre concordância antom dipós no ta pâpia. Dja'm fla.
Tchabeta
RSS feed for comments to this post