About Us

The Leading Cape Verdean News Site | O Líder da Informação na Diáspora
Advertise With Us

Tuesday, 23 December 2014
ARTS & ENTERTAINMENT - RAPORTAJI DI LISBOA: Stória di konjuntu “Os Pecos”

Follow us on

Google Picasa

Ebates Coupons and Cash Back

Banner
Upcoming Events
Sat Nov 29 @ 9:00PM -
CV BOYS band & Jorge Neto di Brockton
Fri Dec 12 @ 7:00PM - 01:00AM
Jaasiel Sanca's album release
Sun Dec 14 @ 2:00PM - 05:00PM
3rd Annual Holiday Kids Bash & Toy Drive
Joomla Templates and Joomla Extensions by ZooTemplate.Com
Classifieds

 
     
Armindo Tavares
RAPORTAJI DI LISBOA: Stória di konjuntu “Os Pecos”PrintE-mail
Thursday, 05 April 2012
Written by Armindo Tavares

os-pecos-band_2.jpg

Na 1986, na txon di Mérka, Stadu di Massachusetts, un grupu di rapasis kabuverdianu formadu pa; Mane di Linda – vokalista, Isildo – vióla solu, Juan Vás – vióla baxu, Dotor – organista i Mundu – batarista, kiria un konjuntu akústiku ki es poi nomi di “OS PECOS”, pa es ta divirtiba kumunidadi kiriolu, subutudu, na notis di fin-di-simana.

Ses “Manager” éra Toti Brandon.

Rapidamenti tóki di rapásis bá ta gostadu del, ses stilu poi ta dumina múzika kabuverdianu na téra di “Tiu Sam”. Es kati-kati es ranja strumentu iletróniku i es bira ta kunbidadu pa es da badju na tudu kau di Mérka undi ki kiriolus ta sta. Ku ses múzikas kantadu tudu na kiriolu, kontandu i divulgandu stória di nos kultura ku di nos múzika, ta poba sodadi xaranpantaba na korason di berdianus na Mérka, ki ka éra kusa di brinkadera. Na kada spetáklu ki es ta daba ta staba sérka 2 mil o 3 mil algen.

Es bai-bai, es bá ta ganha popularidadi ku setason na meiu di patrixus i, ate di alguns merkanus i otus povus ki ta djangabriba djuntu ku kumunidadi berdianu. Es dura sérku di un dúzia di anu ta ratxa tóki, ta pila dansu na txon di Mérka. Duranti es tenpu, es grava 3 disku ki, kada un ki obida ta flada: — Kel-li é mutu más sabi di ki kel-otu.

Na 1991 es grava DIMOKRASIA, ses purmeru disku, ku kel pilon di múzika ki txoma Sónia, i fase susesu pa tudu kau. “Sónia, nha purmeru amor / Desdi tenpu ki N dexa-bu ki N ben pa es téra / Nha bida N vive-l senpri amarguradu…" Pois, ses purmeru disku, éra ses verdaderu purmeru amor. Pa tudu kobon ku ladera, kel bes, ka tenba un kasa undi ki ka ta obida Sónia ta tokaba.

Na 1993 es grava KABU VERDI DI NOS, ku alguns múzika sima  “Karga Pisadu”, undi es ta kritika falsindadi, traison ku sakanisa di amigus falsu. Dja na múzika “Kabu Verdi Di Nos", es ta da konsedju pa invita bran-bran ku kunpanheru, indumenu entri nos kumunidadi na stranjeru.

I, ses tirseru disku “BELÉM”, ki sai na 1999, ta papia i ta konta stória di funsan di Nha Santana i di fama di rapasis ki ta ranjaba salbaxariâ, ta kababa ku badju na fésta. Kel disku li bende na Fransa sima padja. Rapasis di Santana ki ta sta nbarkadu na Fransa gosta del, lansa na kunpra ki e sgota tres bes na loja ki ta bendedu disku na Fransa.

Ku tenpu ta pasa, anu ta kóre, rapasis bá ta kiria, afazer bá ta kirsenta, djazigu bira kada bes menus. Ti ki, na anu 2000, kada un des dja ku ses mudjer na pe, ku fidjus na kasa, ku ses bida purfisional (trabadju), tenpu pa toka di noti bira-s más disgetós. Difaktu, larga mudjer el-so riba po-di-kama, pa sai tudu Sábru ku Dumingu, Sugunda-fera pa bai trabadju… algun bizinhu pode daba kónta.

Dés anu más tardi, fans di “OS PECOS” poi ta raklama, ta kexa falta ki konjuntu fase-s. Nton, diâ 2 di Abril di 2011, ku Hélio Tavares na konpozison i vióla baxu, Luis Amado na batariâ, Filipinho na órgon, Dagaita na vióla solu, Zito na órgon i na dereson muzikal i Gau Salgado, Manel di Linda ku Lutxinha ta kanta, “OS PECOS” torna subi palku, es xobra ses fan uma tóki bédju na “Sons of Itally Hall”, 161 King Hill Rd., Braintree, MA, 02368”.

Nes nobu formason di “OS PECOS”, Toty Brandon, Gau Salgado ku Zé di Kaiú – Dr. José Francisco Lopes –, elejedu komu Purmutor “Management” di konjuntu. I na “master mind” skodjedu Kalú di Gida, sépa’l konpositor i omi konxedu na mundu di Funaná komu subustututu di Katxás ku Nolbertu Tavares.

Apartir di li pa dianti, “OS PECOS” ka para, oliás, ses fan ka dexa-s para. Es fika ta toka manenti i na un munti’l kau, subutudu na Nova Inglaterra. Pa undi es toka es ta dexa korason di berdianu intxidu di sabura, odju modjadu di lágua di sodadi, ku gana bai téra pa es bai odja ku ses odju kusa ki rapasis sa ta flaba na ses kantiga. Nhos txera so un pitadinha di kel ultimu "show" di "PECOS" undi ki kau staba xeiu, ku más di 600 algen la dentu.

É un konjuntu ki ka ten fésta txeu ku pulítika, ki ta ruspeta opuson di kada ilimentu di grupu, prontu pa seta pididu di kolaborason di kualker Organizason, Partidu o Grupu di kumunidadi kabuverdianus na Mérka, na Kabu Verdi o notus kau.

Na ses planu es sa ta pensa kiria spasu i kondison pa es da opurtunidadi di otus artistas subi palku i mostra ses talentu pa nos kumunidadi spadjadu na Nova Inglaterra; raprizenta kultura kabuverdianu di midjor manera posível; torna grava un KD “CD”, pa isu trabadju dja sta na kaminhu; purmove  stabilidadi finanseru atraves di alguns pursesu utilizandu nobus teknolojiâ; kopera ku Ministériu di Kultura di Kabu Verdi, partisipa na si atividadis, prinsipalmenti na pugrama di redi di sala di spetáku i organizason di KVMA (CVMA), ets.

Diâ 7 di Abril es ta fase fésta di ses purmeru anu di rasusitason i, es ta kunbida tudu ses fan pa bai kanta-s parabens i djuda-s paga véla. Serimónia ta ser na Generation Banquet Hall, 81 Memorial Dr, Avon Mass.

Konformi Toty Brandon, ki foi fundador di “OS PECOS” i gosi ta fase párti de manager, konjuntu podu kel nomi li, ki ta siginifika, na Spanhol, “PIKINOTI”, pamodi es komesa sen nada… ku nstrumentu tudu akústiku, sen spirensia, sem konhesimentu di kusa ki es kre faseba. Tanbe, pamodi es éra fan di un grupu muzikal Spanhol ki txomaba “Los Pecos”.

Nes nobu “OS PECOS” resta 2 “dinossauros”: Mane di Linda, ki senpri foi vokalista, ku Toty Brandon ki tanbe senpri foi Manager”.

Kenha ki kre sabe más sobri “OS PECOS”, é so bai li-sin: ospecos.com o facebook.com/ospecos.



Share/Save/Bookmark
 
Armindo Tavares

Armindo Tavares

REPÓRTER E BLOGUEIRO

BIO

Armindo Tavares, colaborador da FORCV, é responsável pela "Raportaji di Lisboa". É Licenciado em Dramaturgia e Bacharel em Direito e Informática. Como Professor Universitário deu aulas de Lingua Caboverdiana na Escola Superior de Educação de Setúbal - Portugal. É Presidente e Diretor Artístico da Associação de Teatro Miscelânea com sede na Amadora. É autor de cinco livros editados, um DVD e dezenhas de peças de teatro escritas, sendo uma, Forti Kulpa Rixu, vencedora "ex aequo" do Prémio Literário Pedro Cardoso 2010. É mestrando em Artes Performativas, especialidade - Escritas de Cena. Está a preparar um novo filme da peça Perdão, Imília.

Atenção: As opiniões expressas pelos colunistas não representam a posição da FORCV. Elas apenas traduzem o ponto de vista dos mesmos. A FORCV publica artigos de opiniões de diferentes colunistas com o intuíto de apresentar diversos pontos de vistas aos nossos leitores. Por isso, convidamos pessoas interessadas a enviar artigos de opiniões para editor@forcv.com.

Latest ArticlesMost Read Articles

Comments  

 
0 #9 Jafc 2012-11-15 16:34
a esta maluca da The Lady Dog pergunto-lhe se com cavalos também faz? Curta bué!
 
 
0 #8 Novossauro 2012-04-08 22:06
Só 2 dinossauro nês novo os pecos? Mané di Linda cu Toty Brandão? Kês otus ê ka dinossauros? Oh, ês trinossauros. Nês Os pecos di 1 ano ka tem absolutamente nenhum novossauro. Tudo ê di ano 90. Nu sta na 2012. Falta de rigor informativo!!!
 
 
0 #7 The Lady Dog 2012-04-07 01:24
:sad: The lady dog.

pois, um criola de alta roda,Uma criola que detem segredos de um estado,estado de um Pais modelo de desenvolvimento num continente berso da Humanidade,um criola danada que faz amor com homens e com caes.Pois.Caes mesmos.Nao estou a falar de homens com comportamentos de caes.Estou a falar mesmo de caes.Uma mulher que fez e que faz sexo com "dogs".

Mas, mulher cm com M Grande.
 
 
+1 #6 Farto 2012-04-06 23:23
Oh Municipio de Santa Maria, por favor, falemos um pouco de outras coisas. Cabo Verde não é só politiquices. Deixe os rapazes de os pecos receberem o feed-back desta notícia exclusivamente musical. Tou farto dessas obsessões políticas, pá!
 
 
-1 #5 Município de Santa Maria 2012-04-06 19:49
http://www.asemana.publ.cv/spip.php?article74747&ak=1

Com quanto cinismo, hipocresia e teatro seremos obrigados a tolerar neste "país"? Primeiro cometem fraudes para perpétuarem-se no poder de todo o custo e depois aparecem os transvestites a fazerem-se de vítimas. Paigcistas de vítimas? Que descarramento mais grande! Quando é que o Sidónio Monteiro "ratos e intriguistas" - José Maria Neves, irá responder pelos fraudes leitorais? Quando é que o pm JMN irá responder ao tribunal por caluniar os adversários nas campanhas: disse que o MpD fazia campanha com dinheiro de droga, que o Aristides Lima e seus apoiantes são "ratos e intriguistas" que assassinaram o AMilcar Cabral, etc... Que moral tem esses ditadores do Paicv que estavam contra o multipartidaris mo em Cabo Verde, esses carreiristas politicos? Estado de direito democrático? Porque não mudam a Sede do Município de Santa Maria, pois segundo a lei a Sede do Município do Sal situa-se em Santa Maria. Somente o Paicv é que pode estar acima da lei? É risório o conteúdo desta notícia. Viva o Município de Santa Maria! Não vota porque a independência e democracia em Cabo Verde é somente para elegermos os nossos ditadores e ladrões! UNIDOS JAMAIS SEREMOS ENGANADOS! Facebook: Município De Santa Maria
 
 
+1 #4 Terra, Mar, Universu 2012-04-06 17:43
Forti lingua sabi. Lingua ki ta pon xinti kabuverdianidad i dentu mi propi.

Nhu Armindu Tavares, nhu kontinua ta skrebi. Ka nhu para nen na terra, na mar, o na otu planeta di universu. Anho nhu tem futuru na area di kriololista kavuverdianu.

Brevementi si Nhordez na Seu kizer nhu ta favi um dukumentario sobri nos lingua global. N'fla global pamodi eh na Kiriolu ki tudu kabuverdianu spadjadu na mundu interu ta kumunika ku kumpanheru.
 
 
+1 #3 j. lopes 2012-04-06 16:00
Kada un ku si "don". De Dr Armindo bai pa kel ladu la ki ninguen ka ta tadjal. Na verdade le na kriolo ten un sabor spesial ki so kenha ki dja sta kustumado kual, so kaboverdiano "natu" ta xinti kel prazer de lel ku kel velosidade ki marsianu kre fla.
Parabens Dr Armindo kontra tudo "paramales", ki ta sta ta sibia na bentu, ku burgonha de le e skrebi na kriolo mas, ora ki skrebe notu lingua, pa maz ki ez striba ez ka ta konsigui pasa di kriolo, ou seja, ez ta fika la meh.
 
 
+1 #2 Marsianu nha Ida padri Nikulau Ferera 2012-04-06 15:40
E inpresionanti es don di Dr. Armindo Tavares di skrebe sima si el sa ta konta partis - ti ki bu le-l, bu ta kuda bu sa ta obi algen ta konta-bu kuze ki pasa.

Nhu kontinua pois isu sertamenti ta kai na goto di tudu kes ki dja konsigi dumina alfabetu kabuverdianu ti pontu di le, na primeru tentativa, ku mesmu velosidadi ki algen ta papia normalmenti.

Es spontaneidadi na ta skrebe debe signifika ma nhu ta skrebe ku txeu gostu. I kel li ki e maior rekonpensa - sabura, liberdadi pa bua na azas di nos lingua.

Ka nhu liga kes ki kre tra-nho es liberdadi. Es e lixu! Nhu kontinua. Forsa!
 
 
+2 #1 jose lopes 2012-04-06 09:41
Tudo alguen sta konvidado pa celebra es grande festa. ken ki tiver inposibilidade sime ped kunpanha atraves de transmisao ao vivo na www.facebook.com/ospecos ou na site de konjunto www.ospecos.com. Obrigado J.L.
 
   

Advertise - About Us - Site Map - RSS

© 2005-2014 forcv.com - All rights reserved, USA.